Starfsáætlun 6. flokks karla

6. flokkur karla

Þjálfari

Sér um skipulag og framkvæmd æfinga og leikja og sér um skráningar á mót í samstarfi við foreldrafulltrúa.

• Heldur í samstarfi við foreldrafulltrúa halda tvo foreldrafundi. Fyrri fundinn í upphafi haustannar þar sem farið er yfir helstu atriði varðandi þjálfun flokksins og þátttaka í mótum rædd. Seinni fundurinn er haldinn í febrúar þar sem vor og sumarstarf er rætt og þátttaka í vor og sumarmótum ákveðin.

Foreldrafulltrúar

• Eiga í nánu samstarfi við þjálfara um foreldrafundi og skráningar á mót.

• Sjá um skipulagningu ferða, greiðslu mótsgjalda í samstarfi við framkvæmdastjóra Völsungs.

• Hafa skoðunaraðgang að bankareikningi flokksins og geta þannig fylgst með hreyfingum á honum. Framkvæmdastjóri er einn með prókúru og sér um millifærslur að beiðni foreldrafulltrúa.

• Sjá um skipulagningu og framkvæmd Völsungsmóts í samstarfi við mótsnefnd. Foreldrafulltrúar skipta verkum með foreldrum iðkenda í 6., 7. og 8. flokki vegna mótsins.

• Eru að lágmarki tveir, einn úr hvorum árgangi.

• Skipuleggja hópefli í samstarfi við þjálfara.

Mót
Flokkurinn tekur að öllu jöfnu þátt í eftirfarandi mótum:

• Stefnumóti KA í nóvember og í apríl

• Goðamóti Þórs í febrúar/mars (gistimót)

• Minningarmót Óðins Skúla í maí

• Króksmóti á Sauðárkróki í ágúst (gistimót)

• Völsungsmót á Húsavík í lok ágúst

Endanlega ákvörðun um þátttöku í mótum er tekin á foreldrafundum. Þjálfari fylgir flokknum á þessi mót eða á samtals tvö gistimót og fimm dagsmót að hámarki. Foreldrafulltrúar sjá til þess að koma þjálfara á mótsstað og í samræmi við verklagsreglur um ferðakostnað og gistingu þjálfara á mótum.

Fjáröflun
Flokkurinn á rétt á sölu á túlipönum og páskaeggjum. Aðrar fjáraflanir þurfa að eiga sér stað í samráði við framkvæmdastjóra Völsungs.